რა არის Kingella kingae?

Kingella kingae — ბავშვებში ბაქტერიული ართრიტის მნიშვნელოვანი გამომწვევი Kingella kingae არის ბაქტერია, რომელიც ბოლო წლებში უფრო ხშირად აღიარებულია როგორც ბაქტერიული ართრიტის და ძვალ-სახსროვანი ინფექციების გამომწვევი, განსაკუთრებით 3 წლამდე ასაკის ბავშვებში. ადრე მისი როლი შესაძლოა არასათანადოდ იყო შეფასებული, რადგან ბაქტერიის აღმოჩენა რთული იყო. თანამედროვე ლაბორატორიულმა მეთოდებმა, განსაკუთრებით: პოლიმერაზულმა ჯაჭვურმა რეაქციამ (PCR) კულტივირების გაუმჯობესებულმა მეთოდებმა გაზარდა მისი გამოვლენა. ვის ემართება უფრო ხშირად? უმეტესად: 6 თვიდან 3 წლამდე ბავშვებს იშვიათად: უფროს ბავშვებს მოზრდილებს რა ინფექციებს იწვევს? ყველაზე ხშირად: სეპტიკური (ბაქტერიული) ართრიტი ოსტეომიელიტი დისკიტი (ზოგ შემთხვევაში) რატომ არის მნიშვნელოვანი? მცირე ასაკის ბავშვებში Kingella kingae-ს ინფექცია შეიძლება მიმდინარეობდეს შედარებით მსუბუქად: დაბალი ან არარსებული სიცხით; ზომიერი ტკივილით; მცირე ლაბორატორიული ცვლილებებით. ამიტომ პატარა ბავშვში: კოჭლობა, კიდურის გამოყენებაზე უარი, სახსრის ტკივილი/შეშუპება საჭიროებს ყურადღებით შეფასებას.